எரிபொருள் விலைகள் இன்று நள்ளிரவு முதல் அதிகரிப்பு

 இலங்கை பெற்றோலியக் கூட்டுத்தாபனம் இன்று நள்ளிரவு 12.00 மணி முதல் அமுலுக்கு வரும் வகையில் எரிபொருள் விலைகளை கணிசமான அளவு  உயர்த்தியுள்ளது.

புதிய விலை நிர்ணயத்தின்படி:

லங்கா பெற்றோல் 92 ஒக்டேன் ஒரு லீற்றரின் விலை ரூ. 81.00 ஆல் அதிகரிக்கப்பட்டு, முந்தைய விலையான ரூ. 317.00 இலிருந்து புதிய விலையாக ரூ. 398.00 நிர்ணயிக்கப்பட்டுள்ளது.

லங்கா பெற்றோல் 95 ஒக்டேன் யூரோ 4 ஒரு லீற்றரின் விலை ரூ. 90.00 ஆல் அதிகரிக்கப்பட்டு, முந்தைய விலையான ரூ. 365.00 இலிருந்து புதிய விலையாக ரூ. 455.00 நிர்ணயிக்கப்பட்டுள்ளது.

லங்கா ஒட்டோ டீசல் ஒரு லீற்றரின் விலை ரூ. 79.00 ஆல் அதிகரிக்கப்பட்டு, முந்தைய விலையான ரூ. 303.00 இலிருந்து புதிய விலையாக ரூ. 382.00 நிர்ணயிக்கப்பட்டுள்ளது.

லங்கா சுப்பர் டீசல் 4 ஸ்டார் யூரோ 4 ஒரு லீற்றரின் விலை ரூ. 90.00 ஆல் அதிகரிக்கப்பட்டு, முந்தைய விலையான ரூ. 353.00 இலிருந்து புதிய விலையாக ரூ. 443.00 நிர்ணயிக்கப்பட்டுள்ளது.

லங்கா மண்ணெண்ணெய் ஒரு லீற்றரின் விலை ரூ. 60.00 ஆல் அதிகரிக்கப்பட்டு, முந்தைய விலையான ரூ. 195.00 இலிருந்து புதிய விலையாக ரூ. 255.00 நிர்ணயிக்கப்பட்டுள்ளது.

இந்த விலை மாற்றங்கள் இன்று (21) நள்ளிரவு 12.00 மணி முதல் நடைமுறைக்கு வருமென இலங்கை பெற்றோலியக் கூட்டுத்தாபனம் விடுத்துள்ள ஊடக அறிக்கையில் தெரிவிக்கப்பட்டுள்ளது