ஈரான் செயற்கை நுண்ணறிவை பயன்படுத்துவாதக டிரம்ப் குற்றச்சாட்டு

,ஈரான் செயற்கை நுண்ணறிவு (AI) தொழில்நுட்பத்தைப் பயன்படுத்தி தவறான தகவல்களைப் பரப்பி வருவதாக கடுமையான குற்றச்சாட்டை அமெரிக்க அதிபர் டொனால்ட் டிரம்ப் முன்வைத்துள்ளார். சமூக ஊடகத் தளத்தில் இன்று (திங்கட்கிழமை) வெளியிட்ட பதிவில், அமெரிக்க இராணுவ உபகரணங்கள் சேதமடைந்ததாகக் காட்டப்படும் படங்கள் மற்றும் வீடியோக்கள் போலியானவை என்று அவர் தெரிவித்தார்.

ஈரானின் தாக்குதல்களால் அமெரிக்க விமானங்கள் மற்றும் கப்பல்களுக்கு எரிபொருள் நிரப்புதல் உள்ளிட்ட இராணுவ உபகரணங்கள் சேதமடைந்ததாக சில தகவல்கள் வெளியாகியுள்ள நிலையில், அவை முற்றிலும் தவறானவை என்று டிரம்ப் விளக்கமளித்தார். குறிப்பாக, கடலில் எரிந்து கொண்டிருக்கும் யுஎஸ்எஸ் ஆபிரகாம் லிங்கன் (CVN-72) விமானம் தாங்கிக் கப்பலைக் காட்டும் படங்கள் AI மூலம் உருவாக்கப்பட்ட போலியானவை என்றும், அந்தக் கப்பல் ஒருபோதும் தாக்குதலுக்கு உள்ளாகவில்லை என்றும் அவர் உறுதிபடத் தெரிவித்தார்.

மேலும், தி வால் ஸ்ட்ரீட் ஜர்னல் உள்ளிட்ட சில அமெரிக்க ஊடக நிறுவனங்களும் ஈரானின் இந்த போலிப் பிரச்சாரத்திற்கு உடந்தையாக தவறான தகவல்களைப் பரப்பி வருவதாக டிரம்ப் குற்றம் சாட்டினார். இத்தகைய தவறான அறிக்கைகள் பொதுமக்களின் நம்பிக்கையைச் சேதப்படுத்துவதாக அவர் வாதிட்டார். தவறான தகவல்களைப் பரப்பும் ஊடகங்கள் கடுமையான விளைவுகளை எதிர்கொள்ள நேரிடும் என்றும் அவர் எச்சரிக்கை விடுத்துள்ளார்.