ஏர்பஸ் கையூட்டு வழக்கு: சமல் ராஜபக்ஷ மகன் உள்பட இருவருக்கு திறந்த பிடியாணை

ஏர்பஸ் விமான கொள்முதல் தொடர்பான கையூட்டு சம்பவத்தில் சந்தேகநபர்களாக பெயரிடப்பட்டுள்ள முன்னாள் அமைச்சர் சமல் ராஜபக்ஷவின் மகன் சமிந்திர ராஜபக்ஷ மற்றும் முன்னாள் விமானச் சேவைத் தலைவர் கபில சந்திரசேனவின் மனைவி பிரியங்கா நியோமலி விஜேநாயக்க ஆகிய இருவருக்கும் எதிராக இன்று (02) கொழும்பு பிரதான நீதவான் நீதிமன்றம் திறந்த பிடியாணை (Open Warrant) உத்தரவு பிறப்பிக்கப்பட்டுள்ளது. 

கொழும்பு பிரதான நீதவான் அசங்க ஸ்ரீ போதரகம முன்னிலையில், இலஞ்ச ஒழிப்பு ஆணைக்குழுவின் முன்னைய கோரிக்கையை பரிசீலித்த நீதிமன்றம், சந்தேகநபர்கள் நீதிமன்றில் ஆஜராகத் தவறியதையடுத்து இந்த உத்தரவைப் பிறப்பித்தது.

நீதிமன்றம் பிறப்பித்த உத்தரவில் இந்தப் பிடியாணை உத்தரவு  இலங்கையில் உள்ள அனைத்து விமான நிலையங்களுக்கும் இந்த உத்தரவை அறிவிக்குமாறு நீதிபதி மேலும் உத்தரவிட்டார். சந்தேக நபர்கள் நாட்டிற்குள் வந்தவுடன் அவர்களைக் கைது செய்யவும், இலஞ்சம் அல்லது ஊழல் குற்றச்சாட்டுகளை விசாரிக்கும் ஆணைக்குழுவிற்குத் தகவல் தெரிவிக்கவும் குடிவரவு மற்றும் குடியகல்வு கட்டுப்பாட்டாளருக்கு அறிவுறுத்தப்பட்டது.

திறந்த பிடியாணை" என்பது, சந்தேகநபர்கள் எங்கிருந்தாலும், எந்த நேரத்திலும், குறிப்பிட்ட இடத்திற்கு மட்டுப்படுத்தப்படாமல் கைது செய்ய நீதிமன்றம் வழங்கும் அதிகாரமாகும். இதன்படி, விமான நிலையங்கள், துறைமுகங்கள் மற்றும் எல்லைப் பாதுகாப்பு அதிகாரிகள் இவர்களைக் கைது செய்யச் சட்டப்பூர்வ அதிகாரம் பெறுகின்றனர்.

 முன்னாள் அமைச்சர் சமல் ராஜபக்ஷவின் மகனும், முன்னாள் ஜனாதிபதி மஹிந்த ராஜபக்ஷவின் மருமகனும் ஆவார். இவர் முன்னர் வெளிநாடு சென்ற நிலையில், தற்போது நீதிமன்றில் ஆஜராகாமல் தலைமறைவாக உள்ளார்.பிரியங்கா நியோமலி விஜேநாயக்க முன்னாள் விமானச் சேவைத் தலைவர் கபில சந்திரசேனவின் மனைவி. இவரும் வெளிநாட்டில் இருப்பதாகத் தகவல்கள் தெரிவிக்கின்றன.

இதற்கு முன்னதாக, இலஞ்ச ஒழிப்பு ஆணைக்குழு இவர்களுக்குச் சம்மன் அனுப்பியிருந்தது. எனினும், சந்தேகநபர்கள் நீதிமன்றில் ஆஜராகவில்லை. இதனையடுத்தே திறந்த பிடியாணை பிறப்பிக்கப்பட்டுள்ளது.

2013–2015 காலப்பகுதியில் இலங்கை விமானச் சேவை நிறுவனத்திற்கு (SriLankan Airlines) ஏர்பஸ் நிறுவனம் விமானங்களை வழங்கியதில் முறையற்ற கையூட்டுகள் நடைபெற்றதாகக் கூறப்படுகிறது. இந்த வழக்கில்:முன்னாள் ஜனாதிபதி மஹிந்த ராஜபக்ஷ முன்னாள் விமானப் போக்குவரத்து அமைச்சர் பிரியங்கா ஜயரத்ன மற்றும் பல முக்கிய அரசியல்வாதிகள் சந்தேகநபர்களாக உள்ளனர். இது இலங்கையின் மிகப்பெரிய ஊழல் விசாரணைகளில் ஒன்றாகக் கருதப்படுகிறது.