இஸ்ரேல் வான் தாக்குதல் பெண் ஊடகவியலாளர் பலி

லெபனானில் நிலவும் பதற்றமான சூழ்நிலையில், போரின் உண்மை நிலைகளை உலகிற்கு எடுத்துச் சென்ற துணிச்சலான பத்திரிகையாளர் பாத்திமா ப்தூனி, மார்ச் 28 அன்று இடம்பெற்றதாக கூறப்படும் இஸ்ரேலிய வான்தாக்குதலில் உயிரிழந்ததாக தகவல்கள் வெளியாகியுள்ளன

அல்-மனார் ஊடகத்தினைச் சேர்ந்த அலி ஷேப் உள்ளிட்ட செய்தியாளர் குழுவுடன் செய்தி சேகரிப்பில் ஈடுபட்டிருந்தபோது, அவர்கள் பயணித்த வாகனம் குறிவைத்து தாக்கப்பட்டதாக கூறப்படுகிறது. குறிப்பாக, “PRESS” (பத்திரிகை) என்று தெளிவாக அடையாளம் காட்டப்பட்டிருந்த வாகனம் தாக்கப்பட்டமை கவலைக்கிடமானதாக பார்க்கப்படுகிறது

இந்தச் சம்பவம், போர்ப்பகுதிகளில் பணியாற்றும் பத்திரிகையாளர்களின் பாதுகாப்பு மீதான கேள்விகளை மீண்டும் எழுப்பியுள்ளது. மனித உரிமை அமைப்புகள் மற்றும் ஊடக சுதந்திர அமைப்புகள் இதற்கு கடும் எதிர்வினை வெளியிடலாம் என எதிர்பார்க்கப்படுகிறது.

பாத்திமா ப்தூனி, போரின் மத்தியில் மக்களின் குரலாக இருந்தவர். அநீதிகளையும், பாதிக்கப்பட்டோரின் துயரங்களையும் உலகிற்கு எடுத்துச் செல்லும் பணியில் அவர் காட்டிய அர்ப்பணிப்பு குறிப்பிடத்தக்கது.

அவர் உயிரிழந்தாலும், அவர் பதிவு செய்த உண்மைகள் என்றும் அழியாது. ஊடக சுதந்திரத்திற்காக போராடிய அவரது பயணம் வரலாற்றில் நினைவாக நிற்கும்.